星期二嗰晚最後腳痺嗰個fd都搵咗我，同我落屋企樓下食麥記。

　　星期三vicky小妹同我出咗沙田。終於買咗《櫻花大戰漫畫版第九期（完）》。

《櫻花大戰漫畫版（第一部）》第九集（完）

嗰晚同呀媽去咗呀公呀婆屋企食飯，探下佢哋。食完飯幫佢哋洗碗碟，之後佢哋話想食木瓜，我又切埋木瓜俾佢哋食，做下乖仔ＸＤ

　　星期四就番廣州嚕。臨番嚟之前喺屋企樓下間屈人紙買咗盒gasby染髮劑，係淺啡色嘅。番到廣州，settle好部腦，發覺上唔到網……好郁悶……。因為嗰日冇乜點食過嘢，所以之後搵咗幾個fd去食嘢。之後番到嚟漏夜染咗個頭。

　　今日瞓到十二點幾先起身（其實晨早流流唔知幾點凍得滯起過身熄冷氣，之後瞓番。），插著個水機等佢煲熱水，因為之後要６我呀媽唔知邊個fd喺韓國買番嚟嘅杯麵，同埋琴晚食完嘢順手喺全家買嘅手卷。

　　下晝去好又多採購（其實係「買嘢」，但內地慣用呢個term。），我買咗兩pack三個裝杯麵，一支洗頭水，一支洗面膏。

　　番嚟冇耐又約咗人食飯，食完陪佢去買嘢，周圍行，行咗個幾鐘就番宿舍。

　　番到嚟諗諗下，可能係ip打錯咗先至上唔到網，跟住搵番張「入網紙」，照住入番終於上到喇。

（本網誌文章轉載自我的QQ空間／This Weblog was orginally posted on my Q Zone.）