《日語會話Ⅱ》考試

　　話說今日（2/7）上晝考《日語會話Ⅱ》，我琴日拿拿林係咁依諗咗嗰十二題預先俾我哋番去準備嘅考試題目。有啲都唔知點答佢好。好似「女性が社会進出することの弊害について、あなたの考えを述べてください。（關於女性進出社會的弊害，說一下你的想法。）」同埋「中国におけるインターネットの弊害について、あなたの考えを述べてください。（關於中國的互聯網問題，說一下你的想法。）」，完全唔知想點。

　　咁今日考試嗰陣喺「控え室（我未查呢個係咩意思）」度等考試，有個唔識嘅呀姐嚟睇住我哋。原本以為真係三唔識七求其搵個人嚟睇住我哋，點知佢突然間無啦啦用日文問我哋嘢，真係識日文嘅人係冇樣睇嘅＝口＝”啲人走得七七八八嗰陣佢行落嚟，同我笑一笑，跟住就用日文問我：「精読の試験をよく準備していましたか。（有冇好好準備精讀考試？）」，仲有諸如此類幾個問題…

　　到我考試，入到去「テスト室（考試室）」，小園俾咗張嘢我讀。讀完問我：「あなたがこれまで観たことがある映画について、ひとつの作品を例に挙げ、その内容を要約してください。」，我唔係好記得自己寫乜，所以求其答啲嘢，一句起兩句止。答完之後，小園望下錶，見好似冇用幾多時間，又就問多我一題：「コピー製品を使用する人ためにはどうすればいいと思いますか。具体的に説明してくさい。」，一聽，心諗：「弊！」，呢題冇諗過點答，就即時諗。我咁答：「政府は適当の征伐をあげて、そんな人をなくします。（我意思係：政府は適当の懲罰をあげて、そんな人をなくします。）」。答完，小園又無奈地笑咗笑，叫我叫下一個入嚟。最後佢問我チンセンヨウさん點解唔嚟考試，我話佢唔喺學校，所以嚟唔到。

老馬家牛肉麪店巧遇可愛小貓

　　考完試，晏晝同兩個fd去老馬家食麫。食食吓個fd叫我望下我腳邊，我望下，嘩，見到有隻好得意嘅貓仔。隔離枱有對情侶，佢哋有個好大嘅袋ped喺地下。隻貓貓好奇行埋去，點知個袋喺度郁。望真啲原來入面係隻狗，隻貓貓見到嚇到彈開。真係超得意～

　　跟住我捉起佢影相，個fd幫手。

　食完麫經過小西番學校嗰陣路經全家又忍唔住入咗去買嗰啲好靚好好味嘅麫包。

港分部長級面試

　　琴晚（七月一號；香港回歸）係港分部長級面試。自上次總結大會，Derek（我唔記得咗定係Frankie）呼籲我哋去面試做部長之後，我內心掙扎咗好耐ｉｎ唔ｉｎ好。我自問冇quali，又乜都冇準備（i mean proposal…），所以冇去到。點知子軒send　message俾我叫我去，又話我實得嘅諸如此類，咁我又諗近近地二十棟我樓下，咁就去咗。過程唔想多講。ｉｎ完同個fd去食宵夜。